Transkription / 2 [758

Epiſtel Die ander epiſtel zuͦ den corinthiern. Vnd hat viij. capitel. Das Erſt. Capitel Aulus eyn apoſtel Ie ſu criſti durch dē willē gotz vn̄d thimothe us der bruder der kirchen gottes. die da iſt zuͦ Corinth mit allen heiligen. dye da ſeind in allem achaia die genade ſei mit euch. vnd der fryd von gott vnſerm vatter. Vnd vō dem herren Ieſu criſto. Got iſt geſegēt vnd der vatter vnſers herrē ieſu criſti. ein va ter der erbermbd. vnd ein got alles troſtes. der vns troͤſtet in aller vnſer troͤbſal. das auch wir ſelb moͤgē troͤſten die. die da ſeind in aller bedruͦckung durch die vnderweiſung. mit d̓ auch wir ſelber werdē vnderweyſſet von got. wann als die marter chriſti überfluͤſſig ſeien in vnſ. alſo auch durch criſtu iſt überfluͤſſig vnſer troſt Ob wir aber betruͦbet werden vmb ewer ermanung. vnnd heil. oder getroͤſtet vmb ewern troſt. od̓ ermant werden vmb ewer ermanūg. dy da wircket die ged ultigkeyt der ſelbē lei dungen. die auch wir leidē. dz vnſer hoffnung ſteet ſei fuͤr euch. wiſſēd dz. wie ir ſeit geſellen d̓ leidugē alſo wer det ir auch geſellen des troſtes. wan̄ bruͦd̓ wir woͤllen nitt dz ir nit wiſſet von vnſer truͤbſale die da geſchehen iſt in aſya. wann wir ſeind beſchweret uͤber dy maß. vnd uͤber die krafft alſo dz vns auch verdroß zelebē wan̄ wir ſelb hettē in vns ſelber die antwurt des todtes. dz wir nit ſein inn vns vertrawend. aber in got der da erkucket die todten. d̓ vns hat erloͤßt von alſuil truͤbſal. vn̄ erloͤſet. in den wir hoffen. vn̄ er wirt vns auch noch erloͤſen. iſt das ir helffet mit ewre gebet fuͦr vns. das auß vil menſchē an geſicht der gab. die vns iſt. durch vil menſchē gnadē gewuͤrcketwerdē fuͤr. vns. wann dz iſt vnſer glori die gezewgknuß vnſers gewiſſens. dz wir habē gewandert in diſer welt in der einualt. vnd in der reinigkeit gottes vnd nit in d̓ fleiſchlichen weyßheyt. Aber in der gnad gottes ſein wir gewandert in der welt. doch uͤberfluͤſſi ger zuͦ euch. wan̄ wir ſchreyben ewch nit andre ding. denn die ir habt geleſen. vn̄ erkāt. Aber ich hab hoffnūg das ir wert erkennen vntz an dz end vn̄ als ir vns habt erkant auß einez teil. wann wir ſeynd ewer glori. als auch ir die vnſer. an dem tag vnſers herren iheſu chriſti. Vnd in diſer zuͦuerſicht wolt ich zuͦm erſten. kumen zuͦ euch. das ir hettet die ander gnad vnd durch euch geen in macedoniā vnd aber von macedonia kuͦmmen zuͦ euch. vn̄ vō euch werde gefuͤrt in iudeā. Darumb da ich diß wolt hab ich denn nit gebranchet die leichtigkeit. Oder gedenck ich nach dē fleiſch die ding die ich gedēck das bei mir ſei ia. vnnd neyn. wann gott iſt getrewe wann vnſer wort das da was bey ewch. iſt nicht in im. Es iſt. vn̄ neyn Aber im iſt. Es iſt. Wann Iheſus der ſun gottes. der da iſt geprediget durch vns in ewch. durch mich vnd Siluanum. vnd thimotheum. in dē iſt nit geweſen. ia vnd neyn. Aber in im iſt geweſen Es iſt. wan̄wieuil verheiſſungē gotz ſind ſo iſt doch in