Transkription / 2 [780

Epiſtel Die iheſu. Das ir von euch leget nach dē alten wandel den alten menſchen. der do wirt zerſtoͤret nach den begerungen der irrſale. Aber werdet ernewert mit dez geyſt ewers gemüts vn̄ leget an. einen newen menſchen der do iſt geſchaffen nach got in der gerechtigkeit vn̄ in der heyligkeit d̓ warheit. Darumb legt vō euch dye luge redt die warheit. ein iegklicher mit ſeim nehſten. Wan̄ wir ſein ge lider einer des andern Zürnt. vnnd nichten woͤlt ſünden. Die ſunn gee nit vnd uͤber ewern zorn. Nitt gebt ſtat dem teufel. Der do ſtall. der ſtelle yetzund nit. Aber er ſoll mer arbeyten wuͤrckend mit ſeinē henden. das do iſt guͦt. das er hab. dauon er gebe den. die do leyden die notturfft. kein uͤbel rede ſoll außgeen auß ewerm mund. aber ein guͦt rede zuͦ der baw ung des gelauben. dz ſie gebe gnad den. die ſie hoͤren. Vnnd nitt woͤlt be trüben den heyligen geyſt gots. in dē ir ſeit gezeychent an dē tag der erloͤſung. all bitterkeit. vnd zorn vnd vnwirdigkeit vn̄ geſchrey vn̄ ſpott werd genūmen von euch mit allem übel. Aber ſeyt gütig aneynander vn̄ barmhertzig vn̄ vergebt einand̓ als euch got vergab in chriſto. Das. Capitel. Arumb ſeyt nachuolger gottes. Als die allerliebſten fün. vn̄ geet in d̓ liebe als vns auch chriſtus liebhet. vnd ſich ſelb antwurt vmb euch ein opfer. vnd ein oblat zuͦ eim geſchmack der ſenftigkeit. Aber gemein vnkeuſch vn̄ all vnreinigkeyt oder geytigkeit werde nit genennet vnder euch als gezimet den heyligē oder ſchnoͤdigkeit. oder thoͤret rede. oder bübiſch vmblauffung die nitt gehoͤren zuͦ dem ding. Aber mer wir ckung der genaden. Wan̄ ditz wiſt vnd vernemet. Das ein yegklicher vnkeuſcher oder eyn vnreiner. oder ein geytiger. das do iſt ein dienſt der abgoͤtter. nitt hab erb in dem reychcriſti. vnd gots. keiner verfüre euch mit eytlen worten. wann vmb ditz ding kam der zorn gots auff dē ſun des mißtrawens Darumb nit woͤlt werden teylhaftig der ſelben. wan̄ ir waret ettwer vinſter Aber nun ein liecht imherren. geet als dy ſün des liechts. Aber die frucht des liech tes iſt in aller guͦtheit vnd in der ge rechtigkeit. vnd in der warheit. Bewerend was do ſei ein wolgeuallen got. vnnd nit woͤlt euch gemeynſamen den vnfruchtpern wercken der vinſternuſſen. Aber ſtraffet ſy mer. Wann die dinng die do werden gethan in verborgen von in die ſeind ye laſterlich zeſagē. Wan̄ alle ding die do werden geſtraffet. die werden offengebaret vom liecht. wan̄ alles das do wirt eroͤffent das iſt dz liecht Darumb ſpricht er. Stee auff d̓ du ſchlaffeſt vnd ſteeauff von dem tod vnd chriſtus wirdt dich erleuchten. Darumb bruͦder ſeht. In welcherweyß ir geet weyßlich. nit als dy vn weyſen. Aber als die weyſen. erloͤſet die zeyt. wann die tag ſind boͤß. Dar umb nit woͤlt werden vnweyß aber verſteend welchs do ſey d̓ will gots Vnnd nit woͤlt werden truncken vō dem weyn in dē do iſt die vnkeuſch. Aber werdt erfüllt mit dem heyligē geiſt redt euch ſelber in pſalmē vnd