Seite
zuͦ Thitto CCCVIIIIIII werde erfuͤllt durch mich. Vnnd alle lewt hoͤren dz ich bin erloͤſet vō dez mund des lewen. wan̄ der herr hatt mich erloͤſt vō eim iegklichen boͤſen werck. vn̄ wirt mich heylſam machē in ſein himeliſch reich. dē ſey glori in den welten d̓ welt amen. Grüß pri­ſeillam. vn̄ aquilam. vn̄ das hawß oneſpphori. Eraſtus belib zuͦ corin thum. aber trophinum ließ ich ſiech zuͦ milet. eyle zuͦkumen zuͦ mir vor dē winter Dich grüſſen eubolus vn̄ pudens vn̄ limus. vn̄ claudia vnnd all bruͤder. Der ieſus criſtus ſey bey deinem geyſt. Die genad mitt euch Amen. Die epiſtel zu thi motheum hat ein end. Vn̄ hebt an die vorkēd über die epiſtel zuͦ thytuꝫ Hithus tut er vermanen vn̄ vn derweiſt in vō der or denung der prieſter­ſchafft vn̄ vō d̓ geiſt lichen wanderūg vn̄ zuͦuermeyden die ketzer die do gelaubē dē ſittē d̓ iu­den ſchrybend zuͦ im vō nicopoli Die vorred hatt ein ende. Vn̄ hebt an die epiſtel zuͦ Thi tum. vnd hat. iij. capitel. Das erſt capitel. Aulus der lenecht got tes. Aber ein apo­ſtel ieſu criſti. nach dē gelaubē der erweltē gotz vn̄ nach der erkennūg der warheit. dye da iſt nach der gütigkeit in dye zuͦuerſiht des ewigen lebens. das got vor den weltlichen zeyten. der do nit lewgt hat verheyſſen. er hat aber eroͤffent ſeim wort in ſeinen zeyten in der pre dig. die mir iſt beuolhen nach dez ge bott gotz vnſers behalters. thyto dez lieben ſun nach dem gemeynen ge­lauben. ſey gnad vnd frid von got dem vater vnd iheſu criſto vnſerm behalter. vmb dye ſach ditz dinngs ließ ich dich zuͦ cret. dz du ſtraffeſt die ding die da gebreſten. vn̄ ſetzeſt prye ſter durch dye ſtett. Als ich auch dir hab geordēt ob etlicher iſt on ſchuld ein mann eins weybs. vnnd hat ge laubig ſun. nitt in der verſagung d̓ vnkeuſch. oder nit vndertenig. wan̄ es gezympt dem biſchoff zuͦ ſeyn on ſchuld. als dē teyler gotz. nitt das er ſey hohfertig. Nit zornig. nitt voll weyns. keyn ſchlager. nicht geyttig ſchnoͤds gewins. Aber ein wirt d̓ ar men. gütig. nuͦchter. gerecht. heylig. kewſch. vmbfahend die gelaubig re­de. die da iſt nach der geſunden lere. das er ſey gewaltig zuͦ vnderweiſen in der gantzen lere. vnd ſtraffe dye. dye da widerreden. Wann manig ſeind auch vngehorſaz üppiger red. vn̄ verleyter. allermeyſt die da ſind von der beſchneydung. Diſe muͦß man ſtraffen. die da werckē alle heu ſer. vn̄ vnderweyſen die ding. dy da nit gezympt von wegē ſchnoͤdes ge wins. Einer auß in ir eygner weyß­ſag der ſprach. Die von cret. ſind zuͦ allen zeyten luͦgner. boͤſe tyer. tregs bauchs. Diſe zeugnuß iſt war vmb diſe ſach ſtraff ſye hertigklich. Das