Seite
Epiſtel Die ſie ſeyen geſund in dez gelauben vn̄ nicht aufmerekend den iuͤdiſchē lug meren. vnd den gebotten der men­ſchen. die ſich abkerē vō der warheit. Dē reynen ſind alle ding reyn. aber dē vermeyligten. vn̄ den vngelau­bigen iſt nichts reyn. aber ir gemuͦt vn̄ gewiſſen ſein vermeyliget. Sie bekennen das ſie gott kennen. Aber ſie verlaugen ſein mit den wercken. ſo ſie ſeind verbannen vn̄ vngelau big vnd verſprochen zuͦ eim ieglichē guͦten werck. Das.IIIII. Capitel Ber du rede die ding. die da gezymen die gantzen lere. Die altē das ſie ſeyen nuͤchter. geſchemig. wi­tzig gantz in dē gelauben. in d̓ lyebe in der gedult. des geleychen die altē weyb in heyliger wat nit leſtererin nit dienend vil wein. wol lerend dz ſie lern weyßheit. Die iungen weyb das ſie liebhaben ir man̄. das ſy lieb haben ir ſün. witzig. kewſch nuͦchter habend dye ſorg des hauſes. guͤtig. gehorſam iren mannen. dz dz wort gots nit werde geleſtert. Zuͦ geleich erweyß vnderweyſe die iungen das ſie ſeyen nuͦchter. In allen dingen gib dich ſelb zuͦ einez exempel guͦter werck in d̓ lere. in gātzheit. in keuſch in ſchwerheit. Ein geſund vnſtraff­ber wort. dz ſich der da wider iſt. ſich ſcheme. nitt hab zuͦſagen enich uͤbel vō vns Die knecht. dz ſie ſeyen vnd̓ tenig irē herren geuallend in allen dingen. nicht widerſagend. nitt be­triegend. zeygent die guͦten trew in allen dingē. dz ſie zyerē dy lere gots vnſers behalters in allē dingē. wan̄ dygnad gotz vnſers behalterſiſt er ſchinē allen menſchen vnoweyſend vns dz wir verlaugē die vngütikeit vn̄ die weltlichen begirden. das wir leben in diſer welt nuͦchter. vnnd ge recht. vn̄ guͤtig harrēd der guͦten zuͦ uerſiht. vn̄ der zuͦkunfft der glori dē groſſen gots vnd vnſers behalters iheſu criſti. d̓ ſich ſelb gab vmb vns das er vns erloͤſet vō aller boßheyt vnd gereyniget im eyn angenemes volck. ein nachuolgēdes guͦter wer­cke. Diſe ding lere vnd vnderweyſe. vnd ſtraffe ſie mit allem gebot. key­ner verſchmeh dich. Das.IIIIII. Capitel man ſie das ſie ſein vndertenig dē für ſten vn̄ den gewelten. irē wort zuͦgehorſamen das ſie ſeyn be reyt zuͦ eim yeglichen guͦten werck. nyemant zuͦleſtern. das ſye nit krie­giſch ſein. aber meſſig. erzeygen alle ſenfftmütigkeit zuͦ allen menſchen. wan̄ wir warn auch etwen̄ vnweiß vn̄ vngelaubig. irrend. wir dienten den begirden vn̄ mangerley wollu ſtikeiten. vn̄ wurckten in d̓ boßheyt vn̄ in dē neid. heßlich haſſend anein ander. Da aber die gütigkeit vnnd menſcheit gottes vnſers heylers er­ſchyne nicht auß dē wercken der ge­rechtigkeit. die wir tettē. aber er hatt vns heylſam gemachet nach ſeyner barmhertzigkeyt. durch den tauff d̓ widergeberūg. vn̄ vernewerūg des heiligen geyſts. dē er hat außgegoſ­ſen in vns begnuͦglich durch ieſum criſtū vnſern behalter. dz wir werdē gerechtuertigt in ſeiner gnad. vnd