Seite
zuͦ Phillemonem Cccci ſeyen erbē nach d̓ zuͦuerſiht des ewi­gen lebens. Getrew iſt dz wort. vn̄ vō diſem wil ich dich beſtetten dz dy da gelauben gott geruchen vor zuͦ ſein den guͦten wercken. Wann diſe ding ſind guͦt vn̄ nuͤtz den menſchē. Aber du vermeide die toͤreten frage vn̄ die geſchlecht der zungen. vn̄ die keieg vnd die ſtreyt der ee. wann ſie ſind vnnuͤtz vn̄ eytel. Schewh dye ketzer dē menſchen. nach der erſtē vn̄ nach der andern ſtraff. wiß dz er iſt verkert. welcher d̓ iſt. vnd ſündet. ſo er wirt verdampt mit eygen vrteyl So ich ſend zuͦ dir aretham oder ty ticum. Eyl zuͦknmen zuͦ mir zuͦ ni­copolim. Wan̄ da hab ich geordent zuͦ wintern. Zenam dē weyſen der ee vn̄ appollo. die vor ſei ſorgfeltig­klich. dz in nichts gebreſt. aber doch das ſie lernen vorſein vnſern guͦtē wercken zuͦ dē notturfftigen nützen das ſie nicht ſein vnfruchtber. Dich grüſſen all bruͤder die bey mir ſeind Gruß die. die vns liebhaben in dem glauben. Die gnad gots mitt euch allen amen Hie hatt ein end die epiſtel zuͦ tytū Vn̄ hebt an dye vor red in die epiſtel zuͦ phillemonem. Hillemoni machet er dyenſt­lich brieff vmb o­neſimo ſeine kne­cht ſchrybend im vō d̓ ſtat Kom. vō dē kercker durch den vorgeſchriben oneſimum Ein ende hat die vorred Vnnd hebt an die epiſtel zuͦ phillemonem. Das erſt capitel. Aulus der gefangenie ieſu criſti. vn̄ thimo theus der bruͦd̓ phile moni. dē lieben. vn̄ vnſerm helffer. vn̄ appie der liebſten ſchweſter. vnnd arcippo vnſerm mitritter. vnd der kirchē die da iſt in deinem hauß. Ge­nad ſey mit euch. vn̄ frid vō got vn ſerm vater. Vn̄ von dē herrē ieſu cri ſto. Ich ſag danck meym gott. alle zeyt habēd dein gedechtnuß in mey nen gebettē Ich hoͤrt dein liebe. vn̄ den glauben. den du haſt in dē herrē ieſu. vnnd in all heyligen. das dye ge meynſamūge deins gelauben. d̓ da iſt in iheſu criſto. werd ſcheynber in der erkennung alles guͦten wercks. wan̄ ich het groß frewd vn̄ troͤſtūg in deiner liebe. Wann bruͦder die in wendigen gelider der heyligē ruͦetē durch dich. Darumb hab ich vil tro ſtes in ieſu criſto dir zuͦgebieten das da gehoͤrt zuͦ dem ding. wan̄ ich bitt mer vmb d̓ liebe. So du biſt ein ſoͤll licher. als d̓ alt paulus. Wan̄ auch nun ich gefangner Ieſu chriſti. bit dich vmb oneſimo meinen ſun. den ich gebar in meinē bandē. der dir ett wen wz vnnutz. aber nun iſt er mir vn̄ dir nuͤtz. dē ſant ich dir wid̓. Aber du empfah in als meyn inwendige gelider Meinen liebſten ſun. dē ich wolt bey mir haben. das er mir dien te fuͤt dich in dē banden des euange­liums. wann on deinē rate wolt ich nichts thuͦn. dz dein guͦtheit nit we­re als auß der notturfft. aber willig d j