Seite
Die Epiſtel wan̄ villeycht darūb ſchyed er ſich von dir zuͦ der ſtund. das du in em­pfiengeſt ewigklich. yetzund nit als eynen knecht. aber für eynen knecht dē liebſten bruͦder aller meyſt mir. wan̄ ioch wie vilmer dir. in dē fleiſch vn̄ im herren. wan̄ ob du mich haſt einen geſellen. empfah in als mich. Hat er dir aber etwas geſchadet. od̓ ſol er dir. das acht mir. Ich paulus ſchreyb diſe ding mit meiner handt ich vergilt es. nicht. das ich dir ſag. das du dich ſelb ſolt mir. Darumb bruͦder thuͦ als ich eyſch. ich wil dich brauchen im herren. du widerbringe meine inwendige gelider in chriſto. Ich ſchreyb dir. ich verſah mich vō deiner gehorſame. Vn̄ ich weyß das du thuͦſt über dz. das ich ſage. wann auch zuͦgleicherweyß bereyt mir die herberge. wann ich verſih mich euch zegebē durch ewer gebet. Dich grüſt epafras mein mitgefangner in ieſu chriſto. marcus. ariſtarchus. demas. vnd lucas mein helffer. Die genad vnſers herren iheſu chriſti ſey mitt ewerm geyſt Amen. Die epiſtel zu phi lemonem hat ein end Vnnd hebt an die vorred zuͦ den hebreern od̓ iuden Vm erſten iſt zuͦſagē. warumb paulus d̓ bot. ſchrey bend diſe epiſtel. nitt hat behalten ſeynen ſitten. oder das wort ſeines namen oder ſchrib dye wirdigkeyt der ord­nung. Diſe iſt die ſach. das er ſchryb zuͦ den. die da gelaubten auß der be­ſchneydung als ein apoſtel der hey­den. vnnd nicht der inden. wann er weſt ir hohfart. Darumb zeyget er auch ſeyn demuͦtigkeyt. er wolt nitt fürtragē dz verdienen ſeines ampts wann auch zuͦgleycherweyß iohan­nes der zwoͤlffbot durch der ſach wil len der demütigkeit ſatzt er ſeinē na men nitt vor. Darumb diſe epiſt. wirt geſaget. das ſie ſey geſant. von dem apoſtel zuͦ den iuden geſchrybē in hebreyſcher zungen. des ſyn vnd ordnūg hat behalten lucas der euā geliſt. nach der hinfart Pauli des zwoͤlffbotten. vn̄ hat ſie außgeleget in kriechiſche ſprach Die vorred hat ein end. Vnd hebt an die epiſtel zuͦ den hebreern. ode zuͦ den iuden. Vnnd hat. viii. capitel. darin̄ ſant paulus anzeyget vnd zuͦ erkennen gibt. den mangel vnd gebrechen des geſetzs moyſi. Vn̄ die volkumeheit des euā geliſchē geſetzs Vn̄ dz criſtus warer got vn̄ menſch ſey Vnnd ein mittler gottes vn̄ der menſchen Das erſt capitel. Ot redt ett wenn zu den vettern in den weyſſagen in mani­gerley red. vnnd in manigerweyß zuͦ iüngſt in diſen ta gen hat er geredt zuͦ vns im ſun. dē er ſetzet einen erbē aller ding. durch der auch macht. die welt. wie das er iſt ein ſchein der glort. vnd ein bild ſeiner ſubſtantz. Vn̄ truge all ding in dē wort ſeiner krafft. Er thuͦt die