Seite
zu den Hebreern ccc reynigung der ſünden. er ſitzet zuͦ d̓ gerechten der maieſtat in dē hoͤhen. alſuiler iſt gemacht beſſer denn dye engel. So vil vnderſchidlicher hat er ererbet den namen vor in. wann im hat er zezeyten geſaget auß dē en geln. du biſt mein ſun. ich gebar dich heut. Vn̄ anderweyd. Ich wird im zuͦ eim vater. vn̄ er wirt mir zuͦ eim ſun. Vnd aber ſo er einfuͤrt den erſt geboren in dē vmbkreyß der erd. Er ſpricht. Vnnd alle engel gots anbetē in. Vn̄ zuͦ den engeln ſpricht er Der do machet ſein engel. geyſt. vn̄ ſeyn diener. einē flam des fewrs. Aber zuͦ dem ſun. Dein tron iſt in den weltē der welt. die ruͦt der geleycheit iſt ein ruͦt deynes reychs. Du haſt lieb ge­habt die gerechtigkeit vnd haſt ge­haßt die boßheit. Darumb got dein got hat dich geſalbet mitt dem oͤld̓ frewden vor deinē mittey lhafftigē. Vnnd herr du haſt gegruntueſt dye erd an dem anfang vnnd die werck deiner hend ſein die himel. Sy ver­derben. aber du beleybſt. vnd alle er alten ſie. als das gewand. Vnd du verwandelſt ſie. als das kleyd. vnd ſie werde verwandelt. Aber du biſt der ſelb. vn̄ deine iar gebreſten nitt. wann zuͦ welchem der engel ſprach er ettwen̄. ſitze zuͦ meiner gerechten. biß das ich ſetze deyn veynd zuͦ eym ſchamel deiner füſs. Seind ſie denn nit all dienend geiſt. geſant in dem dienſt. vmb die. die do empfahen daſ erb des heyls. Das.IIIIII. Capitel. Arūb vns ge zympt begnüglicher zuͦ­behuͤten die ding. die wir haben ge­hoͤrt. Dz wir villeicht nit durchauß flieſſen. wann ob das wort iſt wor­den ſtet. das do iſt geſagt durch dye engel. vnd ein yegklich uͤbergāg vn̄ vngehorſaz empfeht den rechten wi dergelt des lones. in wellicherweyß empfliehen wir. ob wir verſaumen ſouil heyls. Das iſt in vns beſtettet als es hett den anfang empfangen dz es außgeſprochen wurd durch dē herren von in. Die es gehoͤrt hetten bezeuget von got mitt zeychen vnd mit wundern. vnnd mitt maniger hand krefft. vnd mit teylungen des heyligen geyſts nach ſeinem willen wann gott vnderleget nitt den en­geln den kunfftigen vmbkreyß der erd. von den wir reden. wann eyner bezeugt an einer ſtat ſagend. Was iſt der menſch. dz du ſein biſt geden­cken. oder der ſun des menſchen. daſ du in heimſuͦchſt. du haſt in gemin­dert ein wenig von den eugeln. Du haſt in gekroͤnet mitt glori. vn̄ mit erē vn̄ haſt in geſetzet uͤber die werck deiner hende. Vn̄ alle ding haſt du vnderleget ſeynen füſſen. wann in dē. das er im vnderleget alle dinng. Er ließ in nichts vnunderlegt aber nun ſehen wir im noch nit vnderle­get alle ding. Wann wir ſehen den iheſum der do iſt gemindert ein we nig. denn dy engel. gekroͤnt mit glo ri. vnnd mit eren vmb die marter deſ tods. das die genad gots verſuͦchet den tod vmb all. Wann vmb den alle ding. vnd durch den alle dinng der do zuͦfürt manig ſün in die glo ri. dem merer irs heyls gezam. dz er verzeret wurde durch dye marter. wann der do heyliget vn̄ die do wer den geheyliget. die ſind all auß einē dd iij