Transkription / 2 [810

Epiſtel Die Vmb diſe ſach wirt er nit geſchēdet dz er ſie nenner brüder. ſagend. Ich verkünde deinen namen meinē bruͦdern. ich lob dich in mitt der kirchen Vnd aber Ich wird getrew in im. Vn̄ aber. Sih. ich vn̄ mein kind. die mir gott gab. Darumb das die kind gemeinſamten dē fleyſch. vnnd dem bluͦt. vn̄ erſelb was nitt teylhafftig zuͦ gleicherweiß dē ſelben. dz er durch den tod verwüſt. den. der do het das gebot des tods. dz iſt den teufel. vn̄ erloͤſet die. dy in der vorcht des tods warn ſchuldig dem dienſt durch alles lebē. Wan̄ an keiner ſtat begriff er die engel. aber er begriff den ſamē abrahe. Dauon ſolt er werdē gleich den brüdern durch alle ding. das er wurd ein barmhertziger. vnnd eyn trewer biſchoff zuͦ got dz er verſünt die miſſetat des volcks. Wan̄ in dez darinn er hat gelitten. Darin̄ iſt er auch verſuͦchet worden. vn̄ auch dar inn mechtig worden zuͦhelffen. den. die do werden verſuͦcht. Das.IIIIIIIII. Capitel Auon ir heili gen brüder teylhafftig d̓ himliſchen rüffung mercket iheſum den apoſtel. vnnd den biſchoff vnſer bekennung. der do iſt getrew. dem der in macht. als moyſes in allem ſeim hauß. wan̄ diſer iſt gehabt wirdiger glori. denn moyſes. wie vil mer eren hatt der herr. der es hat gebawen wan̄ ein ieglich hauß wirt gebawen vō etlichen. Der aber beſchuͦff alle ding. Der iſt got. vnd moyſes was getrew in allem ſeym hauß als ein knecht zuͦ einer zeugknuß. der ding. die do warn zuͦſagen. Aber chriſtus iſt als der ſun in ſeim hauß. Das hauß ſein wir. ob wir behaben den troſt. vn̄ die glori der zuͦuerſiht. veſt. vntz an das end. Darumb als der heylig geyſt ſpricht. ob ir heut hoͤrt ſeyn ſtymm. nicht woͤlt erherten ewere hertzen. als in der bite. terkeit. nach dem tag der verſuͦchūg in d̓ wuͤſte. Do mich verſuͦchten ewer veter. ſie bewerten vnd ſahen mei ne werck. Darumb viertzig iar was ich leydig diſes geſchlecht. vn̄ ſprach diſe irren zuͦ allen zeyten mit dē her tzen. aber ſie erkanten nit mein weg den ich ſchwuͦr in meinem zorn. Sie werdē nit eingeen in mein ruͦe Dar umb bruͤder. ſeht. das villeicht nicht ſey in ewer eim ein übels hertz deſ vngelauben. ſich zuͦſcheyden vō got dem lebendigen. Aber vnderweiſet. euch ſelber durch einē yegklichē tag biß das heut wirt zuͦgenant. das kei ner auß euch erherte in der trieglich heit der ſuͤnde. Wan̄ wir ſein wordē teylhafftig criſto. Iedoch ob wir behaben den anfang ſeiner ſubſtantz. veſt vntz an dz end Als lang biß es wirt geſagt. ob ir heut hoͤrt ſein ſtim nit woͤlt erherten ewer hertzen. als in der bitterkeit wan̄ etlich hortē vn̄ erbitterten. aber doch nitt all. die doaußgiengen von egipt durch moyſen. Wann welchen was er leydig. viertzig iar. Warer nit den leydig. die do ſuͤndten. der aß wurden nider geſchlagen in der wüſt. Wellichen ſchwuͦr er nit einzuͦgeen in ſeine ruͦe nur dē. die da warn vngelaubig. vn̄ wir ſahen. das ſie nitt mochten eingeen in ſein ruͦe vmb den vngelauben.