Transkription / 2 [872

Die erſt Canonica Das.IIIIIIII. Capitel. Auo ſeind die ſtreit vnd die krieg vnder euch. Seind ſie denn nitt auß ewern begirlichkeiten. die do ritterſchefften in ewern gelidern. Ir be gert vnd habt nit. ir toͤdt vnd neydet. vnd moͤgt nit gewinnen. Ir kri get. vnd ſtreyt vnnd habt nit. darūb heyſchet ir nit. Ir bittet. vnd empfahet nit. darumb das ir boͤßlich bittet dz ir nit einnemet ewer begirlichkeit Ir eebrecher wiſt ir nit dz die freunt/ ſchafft diſer welt iſt ein feindin gots. Darūb ein iegklicher der do wil ſein ein freund diſer welt. Ein feind got tes wirt er geſetzet. Oder went ir. dz dye geſchryfft vmbſunſt ſprech. der geyſt der do wonet in euch. der begeret zu dem neyd. aber er gibt die merer genad. Darumb ſpricht er. Gott widerſteet den hohffertigen. Aber dē demuͤtigen gibt er genade. darumb ſeit vnderthenig got. aber widerſte/ et dem teuffel. vnd er fleuht vō euch Genahet euch zuͦ got. vnd er genaht ſich zuͦ euch Reiniget die hend ir ſün der. vnd reiniget die hertzē die ir ſeit eins zwifachen gemuͤts. Seyt arm vnd klagend. vnd weynend. euwer lachen werd bekeret/ vnd die freude in das trawren. Demütiget euch in dem angeſicht des herren. So wirdt er euch erhoͤhen. Bruͦder nicht woͤllet ere abſchneyden einer dez andern der da ere abſchneydet dez bruder. od̓ der do vrteilt ſeinen bruder. d̓ enzew het der ee. vnd vrteilet die ee. Vrteyleſt du aber die. du biſt nit ein wircker der ee. aber ein vrteiller. Wann eyner iſt ein trager der ee vnd ein vrteiller. der do mag verlieren. vnnd er loͤſen. Aber dn. wer biſtu. der du vrteileſt den nehſten. Seht nun die ir ſprecht wir geen heut. oder morgē in die ſtatt. wir ſein do ein iar. vn̄ marcken. vnnd machen einen gewin. dye ir nit wiſſet was morgen geſchicht. Wann was iſt euwer leben. Es iſt als ein geſchmack. der inwendig er/ ſcheinet. vnd darnach wirt verwuſt draumb das ir ſprecht. ob es der herr wil. vnd ob wir leben. So woͤllen wir thuͦn. das. oder das. Aber nuͦ fre wet ir ewch in ewern hoffertigkeiten Ein yegklich ſollich frolockung iſt uͤbel. Darumb. der do weiſt zetuͦn dz guͦt. vnd thuͦt ſein nit. es iſt im ſuͤnde. Das.V. Capitel. Vn̄ ir reichen thuͦt. weinet vnd klagt in ewern iamerkeytē. die euch zuͦkumen. Ewer reichtūb ſeind faul vorden. vnd ewer gewand ſeind ver wüſtet von den ſchaben. Ewer gold vnd ewer ſilber iſſet der roͤſt. vnnd ir roſt wirt ewchlin zewgknuß. vnd ißt ewer fleiſch. als das fewer. Ir habet euch geſchetzet zorē inn den iungſten tagen. Seht den lon der wircker. die do ſchnitten ewer gegent. der do iſt betrogen von euch. der ſchreit vnnd ir geſchrei gieng ein inn die orn des herren ſabaoth Ir habt gewirtſchaft auff d̓ erdē. vn̄ habtlerzogen ewer her tzen in dē vnkeuſchē. Ir zufurtet an dem tag der erſchlahung. vnd erſchlugt dē gerechtē. vnd er widerſtund eüch nit. Darumb bruͦder. ſeit geduͦl