Seite
liij. Meander ein ſamarites ein ſchnoͤder ſchwartz künſter vnd zouberer ein iūger ſimons des zouberers verlognet chriſtū vnd gab ſich vß für den behalter vnd got der der welt geſchickt wer er gab für vil vngloͤblicher lügē vnd gedicht. er bedrog ouch vil deren die zuͦm ewigen leben nit geordnet warent mit denen er ouch verdaͤrbt. beſich hiſtoriā Eccleſiaſticam. Die ander durchechtung der kirchen geſchach zuͦ rom durch geheiß Domiciani die erſt hort vff in den ziten tyti in derē ſint vil in vil landen gemartert worden Die ketzerye nicolaytaꝝ die on vnderſcheid ſich der frowen gebruchtent. vnd ſeyten alle ding ſolten vnder den chriſten gemein ſin. Cherinthus ein fürſt der ketzer ſtuͦnd vff waß ein füller vnd gantz vnküſch von dem ein ketzerye heißt therinthiana den namen genumē hat der ſagt die ordenung der ge­ſatz ſient guͦt zuͦ halten. Hebion ein fürſt einer ketzerye von dem hebiones die ketzer den namen hant die ſagēt criſtus ſie ein pur mēſch geſin vn̄ paulus ſie ein verloͤgner od̓ abtrünige̓ des geſatz geſin Iohannes der euangeliſt ward gefuͤrt durch geheiß Domiciani von Epheſo gen rom. do er nit wolt den aptgoͤtten opffern ward er geſatzt in ein̄ vaß vol heiß oͤles doler aber kein pin empfand ward er verſchickt in pathmos die inſel da ſchreib er Apocalipſim in den ziten Trayani kam er wider gen epheſum vnd ſtarb da. Iar der welt.vᵐccxciij. Clemenſ pabſt ein marterē Der pabſt Clemens ein marterer hat gelebet in ſinem pabſtuͦm. ix. iar. vnd einen monet vnd. x. tag. Die jar chriſti. lxxxxiiij Sant Clemens als man ſagt ward zuͦ erſt von dē ſeligen ſant peter geordnet das er im nachuolgt aber vmb ſorg vnd kommers willen wolt er den ſeligen linum vnd cletū von pabſt laſſen werden vf das die prelatē da von nit ein exempel nement vnd ander die inē nach volgettēt vff ſatztēt er hieß die geſchicht der martrer durch die lād beſchrybē er hat ouch vil buͤcher gemacht Ordenet ouch das des biſchoffs ſtuͦl zuͦ oͤbereſt ſtuͦnd vn̄ ſo bald mā moͤcht die getoͤfften firmet dar nach ward er vnder trayano gemartert wen er ward im mer ertrenckt von ſinem totten lichnam werdent wunder geſchriben. ſin lib ward in den ziten des erſten Nicolai funden vnd gen rom bracht Dyoniſius. xc. jar alt ariopargita ein erwirdiger vatter vnd liecht der welt wart ge­martert in franckryche mit eleutheris vnd ruſtico da warent ſie von dem ſeligen cle­mente hin geſchickt. Eutropius ein biſchoff. Zancten ein marterer. Sanccinus eyn biſchoff lmelden̄ zuͦ means was ein iunger dvoniſij mit Anthonio der von dem tod erweckt was. Iouius von athēnis ein prieſter vnd marterer ein junger dyoniſij. Carānus ein marterer ein roͤmiſcher richter Carnotenſium. Lucianus ein richter beluacen̄. marterer ein iunger petri. Regulus ein biſchoff arelaten̄. Eugenius tholetanen̄. marterer. Maron ein mar. Euchites ein mar. Uictorinus ein mar. Symon ein ſun Cleophe ein bruͦder jude ein biſchoff zuͦ iheruſalem. cxx. Iar alt wart gecrützget vnd iſt ein erwirdiger marterer.