Seite
lxix Nonerꝰ eyn ſuͦn theodoſij mit dem mindern Theodoſio.lv. ior Diſer honorius iſt der aller milteſt geſin vnd do ſie im ſageten worumb er die widerſpe nigen nit toͤtet ſprach er wolt got das vnmüglich wer widerzuͦrüffen die doten zuͦ dem leben vnd vm̄ den milten glouben den er hat in got behielt er vil tyrannē on ir bluͦt ver­gieſſen vnd die widerwertigen zyt ſind von tag zuͦ tag vnder ÿme zuͦ friden kummen vn̄ hie endet ſich hyſtoria pauli vnd oroſij des prieſters der in der zyt namhafftig was. Conſtancius ein groff honorij durch wunderbarlich glück­de in kurczem hat nider gelagt viel tyranne vnd vßlendiger vnderſtützet criſtus hilff vn̄ merck alß do ſaget der heylig hieronimus als die roͤmer Im anfang waren die ſterckſtē alſo ſind ſie am letzſten die ſchwechſten wan̄ worumb zuͦ vertriben die figent iſt not teg lich berüffen die vßlendigē Oroſius Dorotheus Yſidorus d̓ erſt Alexandria Melonia Dyocles Ancilla Nathanael Tironius von affrica hat viel geſchrifft hind̓ im geloſſen. Donatus ein biſchoff. Epifanius ein biſchoff Sulpicius der gerecht Tholomacius ein marterer Siſinius Martirin¶ſ Alexander die ſint inytalia gemar­teret worden. Ier der elt.ijᵐ.ciiij. Innocenesꝰ der erſt. xv ior ij. monat xx. tag Eyn albaneſer. Dicccrclxclt.cccc.xxiiij. Diſer innocencius hat vff geſetzt das nit aliein die prieſter ſund̓ alle criſten menſchen geſalbet wurden mit dem heyligen oͤle vnd am ſam tag vaſten vnd geben in der meſſe den kuß des fridens hat ouch geben vil ordenung dē kilchen den cloͤſteren den iuden vn̄ heyden alß In halt. xxviij q. j. Nunquid. Diſer vß bit willen des Conciliums von Affri­ca hat vß getilget die ketzerye pelagi mit ſinen ketzern Suͦch xxiiij. q. j. von diſer materien wie in groſſen eren vorzyten ge haben haben die heylige lerer vn̄ vetter vn̄ fürſten vn̄ concilia den baͤſtlichen ſtuͦl dz ſie nüt doͤrſten erkennen on willen des bobſt do von ſind viel ſenbrieff Auguſtinus vnd ge­ſchrifft der anderen. Maximus ein biſchoff zuͦ Nolaum iſt namhafftig geſin von dē geyſt der wiſſagung. Brictius Turon̄. Die beyn des wiſſagen Samuelis ſind gefürt wordē vō Archadio gon Conſtantinopel Iohannes Criſoſtomꝰ iſt verdampt worden in dz ellend von Eudochia ein künigin vn̄ huffrouwen Archadij do er ouch ſtarb von brunſt der ſunnen vnd Archadius ward in den ban gethon von Innocencio dorumb das er gehelt. Stulta Ammon Pachominus