xc. Reyſer Leod̓. iij. mit Conſtā tino ſim ſuͦn xxv. ior Diſer Leo die wil er mechtig was leczt er ab den Theodoſium vnd regieret für Inen vnd wart verfuͦret von einem verleuckener des gloubens das er alle bilder der heiligen enweg neme vnd ſie verbrante dorumb er ouch von kriegen peſtilenczen vnd vil ande/ ren vnglücken geſtroffet iſt worden vnd als er geſtroffet ward von Gregorio dem dritten belib vngehorſam nam er von im das gancz Rich der ſunnen nidergang vn̄ gebot dz im keiner vndertenig were zuͦ verbieten die zoͤlle vnd dorumb als er keczerlich gelebt hat do widerſageten im die heiligen menner vnd ſint vil gemarteret vnd vßlendig wor den von im zuͦ leit iſt er iemerlich in der vntruwe vergraben worden Die heyden nomen zuͦ In das boͤſt vnd haben vnder geworffen das gancz hyſpania vn̄ wer karolus Marcellus Im nit engegen komen ſo het er das welſchlant ouch angāg en vnd merck das er ſie hat dick überſtritten vnd eyn mol cccꝰ. vnd darūber von yner erſchlagen von den ſinen aber allein M.d. ſind nider gelegt worden Conſtantinopel iſt vmbleget worden von den heyden aber es ward von der Iungfrouwen Maria erloͤſet vnd einen eynſidler iſt eyn wunderbare ſchouwung gezoͤuget worden von dem Ioſeph d̓ do vnſern hergot begraben hat vn̄ noch wenig ior ſind do ſelbs cccꝰ. menſchen in der peſtilencz geſtorben Cyrus eyn byſchoff zuͦ Conſtantinopel vßlendig worden vmb gloubens willen. Cefarius Arelaten̄. leret die münch. Albinus eyn biſchoff zuͦ Ande gan̄. Egberch eyn heilig kam von hybernia In welſchlant. Ior der welt vᵐ. dcccc. xxiij. Die ior chriſti dcc.xxiiij. Bonifacius eyn biſchoff der do der tüſchen volck zuͦ dem glouben bekert noch dē wart er gemarteret von den frieſen. Magnus eyn erczbiſchoff zuͦ mencz Uuolfrannus eyn biſchoff zuͦ Seuennen Guiricus eyn biſchoff zuͦ ſeuonen̄. Eucherius eyn biſchoff zuͦ Aurelian̄. Agilophus ey biſchoff zuͦ Coͤln vnd eyn marterer
zum Hauptmenü