Seite
Hie hebt an der formalari darinn begriffen ſind aller hand brieff auch rethorick mit frag vnd antwurt zegeben tyttel aller ſtaͤnd. ſaͤndbrieff. ſinonima. vnd colores das alles zum brieff machen dienend iſt Vnd volgt hienach des erſten die rethorick darinn begriffenn iſt warauß man lernet miſſiuen das ſind ſaͤndbrieff machenn vnd wie man die pfligt zeſchreiben Darnach ſo volgen die tyttel aller ſtaͤnd geyſtlichs vn̄ welt lichs wie eynem yeden gebürt nach ſein wirdē zeſchreiben vn̄ zeeren Nach dem ſind hierinn begriffen ſinonima die anzeygen man gerley woͤrtter vnnd wiewol die woͤrtter verkeret ſind ſo be­deütten ſy doch eyn meynung Darnach ſo volgen hienach die miſſiuenn das ſind ſaͤndbrieff in welicher form man vmb eyn yeglich ſach eynē yeden nach ſein wirden ſchreiben ſol am erſten blat der teütſchen czal als dich nach eyner das regiſter außweiſet Auch volgen hienach colores rethoricales mit ſchoͤnē beluͤm­tem teütſch zuͦ der rethorick vnd miſſiuen dienend vn̄ zierend Vnd am letſten ſo ſind begriffen die formen aller hand brieff als du in dem regiſter der teütſchen zal nach eynander vindeſt Hienach volget das regeſter über die miſſiuen Wie eyn ſtatt oder cōmun eynem biſchoff ſchreibent men eyn cappellen zeweihen am ii Als eyn herr eyn geſetzten tag widerumb abkünnt am iii Eyn miſſiue von eynem fürſten an eyn grauen am iii Als eyner dem andern leyd clagung zuͦſchreibt am iii Als eyn prieſter gefürdert wirt zuͦinueſtieren auf eyn cappel len am iiii Als eyn biſchoff ſchreibt eynem grauen zuͦ oͤttingen am iiii Wie arm leüt ir herrſchafft ſchreibent der zeinß zebeytten iiii Als arm hinderſaſſen ir herrſchafft ſchreiben bey altem herko­men laſſen zebeleiben am v Eyn miſſiue von geltſchuld wegen bittend gefürdert werden am v Eyn fürderung vmb geltſchuld am v Fürdernuß eyns erbs halben am v Als man vmb bawholtz bittet am vi Eyn form eyns ratſchlages am vi