RethoricaFragSag mir warauß lernet man brieff dichtenAntwurtAuß der rethorick kunſtFragSo man eyn miſſiue das iſt eyn ſendbrieff machen will durchweliche ordnūg mag das geſchehen das ſy vnſtrafber geſetztwerdAntwurtDas muͦß beſchehen ettwen durch fünff artickel etwen durchvier ettwen durch drey etwen durch zwen darnach vnnd dieſach geſtalt oder eyner dem andern gewannt iſtFragWie heyſſent die ſelben fünff artickelAntwurtSy heyſſent alſo Salutatio Exordium Narratio Petitio vnndConcluſioFragBedarff eyn yeglicher ſenndbrieff der fünff artickelAntwurtEtlicher bedarff die fünff all etlicher vier etlicher drey etlichzwen vnd wen̄ er mit den fünff artickeln ſol gemacht werdenſo muͦß das exordium dabey ſein wan̄ er die vier hat ſo ſol dzexordium dauon ſein wan̄ er drey hat ſo ſol das exordium vn̄petitio dauon ſeinFragWarumb beleibt den̄ die cōcluſio finalis das ſy auch nit wirtaußgelaſſenAntwurtDarumb das ſy eyn ſach iſt der man nit geraten ſol denn alleſachen die man redt oder ſchreibet ſollen mit guͦtter ordnungin eyn recht endbeſchlieſſung komen wann die rede oder geſchrifft wurd ſtraffberFragWarumb heyßt der erſt artickel SalutatioAntwurtDarumb wann man vmb freuntlich ſachen ſchreibt da ſol deerſten vor der meldūg der ſach gruͤß oder dienſt geſetzt werdenFragWarumb heyſſet der ander artickel Exordium vnd wann ſoler geſetzt werdenAntwurtVmb das wenn man will ſchreiben warumb guͦtt ſey das eynſach beſchehe das man das vor meldung der ſach erleutern vn̄außlegen ſol Exempli gratia Als eyn weber eyn wepffen anzettlen muͦß ee er garn drein treit vn̄ eyn tuͦch darauß machetalſo ſol man die guͦtheyt ſo an eyner ſach ligt die man thuͦnwill czum erſten czuͦ dem erſten exordinieren ee man die ſachnarrier vnd das ſol nach der ſalutation beſchehenFrag
