Quainz ne fui dome corrompue Sy dieux me vuet on feu sauuer Que mi chevol ni soient brule Don nest il droiz que ie remeigne En ma valeur entiere et enseigne Oil fille ce dit la meire Ie lirei dire a ton pere LA dame est de la chambre issue Son seigneur trouua en larue Trestout coiemant lapela Ceille parole ly conta pag: 8. Que sa fille est ancinte et grosse Pour ce quilli vne Rose Dessus vne ante en un vergier Lors ni ot il que correcier Pasme che hy isnelemant Pour la doleur de son enfant Qui leur vehit grand deul mener Leur cheueus romper et decirrer Onques dieux ne fit creature Tant felonnesse ne sit dure Se il ueist lor grand doleur Qui nam heust au cuer tristeur Lors se prirent apropenseir Comant il la pourront celer Mas dieux ne vost que fut celee Ainz uouloit bien que fut prouee(pronee?) En chambre. ot. 11. chamberieres Qui mout etoient losengieres Qui leur dame hont escoutee Qui formant sehoit guermantee pag. 9. Tantot len vont sanz contredire
zum Hauptmenü