Nice iour que iey conte Mas sus la virge saparurent Les premieres qui onquez furent Les estenceilles et la flame. Qui voloient entor la dame Osiax deuindrent maintenant Et chantoient mout doucemant Nonquez ni ot vn seul tison Tant bien espris en viff charbon Ne fusent rosez de rosiez Et bleur de lys et danglantier Ly feus estint cest ueritez Mout en fut liez ses parantez, Et la meire qui la pourta Sa fille prit si la baisa Ainz nuns si biau iardin ne vit Qom hot illeuc ou li feust sist Champflory ly mirent a nom Et champtlory lapelle lon pag. 15. La tanra dieux son Iuigemant Quant il viendra Iuigier la gent Or vous hey le iuise dit Or vous direy de ihesuchrist Et dou feu, que senefia Et la virge que anz entra Ly oysillon nous senefient Sy com les escritures dient Les anges qui deuent dieux sont Qui a son iuigemant vienront Et enmanront en paradis Ceuls qui a destre seront mis Et ly autre iuif felon Qui ardirent en viff charbon
zum Hauptmenü