Ie te coniur de dieux le roy Song ques tu fuz fille de roy Et me dy comant tu as nom Anne dit eille mapelon Onc ne fui dome concechue Iy suis norrie et contrehue. Ie ne vy onques le mien peire Ma ie voy la venir ma meire Dites ly iot que vigue amy Et mette uis de ce ny pag. 26. Quant fanoel vit son enfant Vers lui semuint ignelemant Belle dist il qui estes vous Ceille respont non sauez vous Ie suis ceille que tu pourtaz De ta cuisse me deliuraz Tu cumendas com mocehist Ly cheualiers qui cy me mist Tant fut cortoiz et de bonaire Que onquez maul ne me vot faire Et dieux ma mise a noriture Or pran de moy aucune cure Qvant iochins vit la puceille Et sa face qui tant fut beille Saint fanoel en apela Mout belemant ly demanda Sire dit il or me donez Ceite puceille se vous voulez Sy la panrey en mariaige Quar mout semble de haut pariaige pag. 27. Ioachin ce dit fanoiaus Mout as este touz iourz leaus
zum Hauptmenü