Seite
Das vns gar betrachtlich mit guͦtem fürſatz vn̄ wolbedachtē muͦt vor an gott vnd ſem liebe muͦtter zu lob dē heyligen roͤmiſchē reich zuͦ wirden vnd zuͦ eren vns ſelbs vn̄ gemeynem land zuͦ frid zuͦ nutz vnnd zuͦ gemach zuͦ dem hochgebornen. V. vereynt. Vorred eyner klagung eyns geſtorben fürſten Alle vnſere froͤd vnd frolocken die wir in geburt vn̄ anfang des hochgebornen fürſten Ernſten hertzog in peyernn euwer gnaden eyne vnſers lieben herren vnd totten gewunnen vnnd empfangē hetten hat ſich gantz in trauren vn̄ in truͤbſal bekert ſo wir des ſelben vnſers lieben herren vnd tottens abſcheydens von diſer welt gehoͤret vnd vernomen haben/ vnnd beſunder haben wir mitleiden vnd trauren vnſers vnd euwers leydes ſo ir dauon empfangen habt/ wir wolten auch nit auffhoͤren leyd zehaben moͤcht das beholffen ſein/ ſeid nun ab nichs guͦtz darauß ergan mag dan̄ dz mā ſchadē zuͦ ſchadē legt vn̄ traurē mit trauren mert/ nach den totten auch keyn gewin vnnd nutz darauß erſtan mügen ſo legt ſolich trauren zuͦ rugg vnd ge­denckt das all menſchen dem tod ſeine recht muͤſſen bezalenn. der geyſtlicheyt der bapſt/ der weltlicheyt d̓ keyſer/ der weiß­heyt der natürlich meyſter/ vnnd die vnſchaͤtzlich reichtumb vnnd ſchaͤtz beſitzung mochten nie empfliehen die porten des todes vnnd die kurtzen vnnd kleyne ſtatt des grads/ darumb gnaͤdiger herr ſo laſſend vnſern willen opffern in den willen des almaͤchtigen gottes Vorred eyner befreyung Nach zefolgen den alten rechten von wegen goͤtlicher vnd er­wirdiger andacht vnd gedaͤchtnuß groÿmachtiger künig vn̄ fürſten vnd vnſern eltern vn̄ ander herren auch irer gemahel die in loblicher gewonheyt als ſy erſt an ir herrſchafft vnnd ſtands des ſacraments der heyligen ee kommen/ ir erſt hett an eynem yeglichē lehen herren vnnd ſtifft geyſtlicher gotzgabē billich befridet ſind/ alſo bitt wir euch Vorred eyner klag eyns todes Seid aber der almaͤchtig gott ſolich ſchuld zuͦ vns allē hat/ vn̄ wir nit gewiſſers haben dann den tod vnd vngewiſſers dann die ſtund des tods/ ſo laſſen vns vnſern willē opffern in ſeinē willen vnd ſein grundloſe barmhertzigkeyt aruͦffen vnſern benannten hertzogen vnnd herren/ ſol auch allen gelaubigen ſelen zuͦſein