Seite
Das offt vnnd dick leyder erfunden hat/ das von vngerechtikeyt vn̄ auß vneynigkeyt manig reich groß herſchafften vnnd ander gewalt vnnd ſachen zergangen vnnd vernicht worden ſind/ weil auch in der heyligenn kriſtenheyt manigerley ſchwaͤr laͤuff in dem reich ſind mit rauberey vnredlich muͦtwillig zuͦgriff vnnd on recht widerſagen vnnd veindſchafft ſchwarlich erwachſenn vn̄ ſich von tag zuͦ tag ye weitter meren dar wider ſich billich zuͦſetzend vnnd zuͦhaltend ſein ſol/ vnnd wir aber gemeynlich­vnnd ſunderlich zuͦ ruͦwe vnd gemach vnnd gemeynem nutz­in ſunder das wir witwen weyſen reichs vnnd arms bawleut bilgerin kauffleüt landfarer vnnd alle ander erber leut geyſt­lichs vnd weltliches ſtats vnd weſens in vnſerm kreyß vnnd landen gebieten deſter bas ſicher werden vn̄ wandlen befreyt vn̄ beſchirmet/ wir ſelbs alle die vnſern die vns zuͦuerſprechē ſtand deſter fürd in frid in gemach vnd in ruͦwe geſetzt/ vnnd das wir vnredlich gewaltes baͤrlicher vn̄ muͦtwilliger zuͦgriff vnnd veindſthafften deſter bas entladen vnnd abſein mügen natürlicher vnnd adelicher bewegnuß geneygt ſind das wir vnns hier vmb beratenlich mit vernünfftiger vorbetrachtung voran dem almaͤchtigen gott in der hohen driualtigkeyt zuͦ lob der heyligen kirchen vnnd dem roͤmiſchen reich zuͦ ſterckung zuͦ wirden vnd zuͦ eren zuͦ den erſamen. l. vnd freüntlich vnnd guͤtlich vereynet verſtrickt verſchriben vnd verbunden haben verbinden verſchreiben vnnd vereynen vns zuͦ inen wiſſenlich in krafft vnnd in macht diß brieffs eyner ſolichen hie nach be­griffen eynung vn̄ gebüntnuß dem iſt alſo/ des erſten ob ſich es gefuͤgte Hie nach volgent ſand chauf ſchuld ſpruch gualtz gleytz vnnd ander brief czu guͦtter notturft am erſten Sand brief Wie eyn ſtatt oder cōmun eynem biſchoff ſchreibent inen eyn cappellen zeweihen Vnſer gar willig dienſt vn̄ was wir liebs vn̄ guͦts vermügē euwern gnaden zuͦuoran gnaͤdiger herr euwern gnaden fuͤgē wir zewiſſen das vnſer kirchen pfleger vor mittelſt beyſtaͤn­diger gnad des ewigen gottes vnnd auch durch würcklicher hilff frummer leut m vnſer pfarkirchen des heyligen. V. eyn