Seite
Benedixiſti domine terram tuam. p̄s. 84 Diſen pſalm macht dauid dē kind̓n chore das ſy nit ſolten zweiflen an dem geluͤbd das in got gelobt het vō criſto. Den pſalm ſprich vmb den erd wuͦcher lv Bonum eſt confiteri domino: ⁊ pſa. p̄s. 91 Als die hebraiſchē ſprechē ſo hat moyſes den pſalm gemacht an dē ſabath zuͦ gedaͤ chtnus der ſchoͤpffung gotes zeſingen lx Benedic anima mea domīo: ⁊ oī. p̄s. 102 Dauid ſtrit in ainer gegēt mit den philiſtē vnd ward muͤd: do kam ain ris an in des ſperwag dreyhundert halb vierdung: vn̄ wolt dauid haben erſchlagen: do erloͤſet in abyſai ſeiner ſchweſter ſun vn̄ erſchluͦg den riſen: do machet dauid diſen pſalm. Den ſprich zuͦ ere allen gotes hailigen lxv Benedic anima mea domino: do. p̄s. 103 Dreü iar was deuͤrūg do ratfraget dauid vnſern herren: do ward im geantwurt es waͤr von den gabaoniten: do ſendet er na than zuͦ in ſprechend: was ſol ich euch tuͦn do hegertē ſy nit ſilber noch gold ſunder die ſiben ſün ſaul zekreützigen: die gab er in: vnd als die verderbt wurden do kamē wid̓ guͦte iar: vnd macht diſen pſalm. Den ſprich für plitzen vnd donern lxvj Beatus vir qui timet dominuꝫ: in. p̄s. 111 Diſen pſalm macht aggeus vn̄ zacharias: vnd do er ſy aigenlichē von dauid ſprach: do hieß in hieronimus zuͦ den and̓n ſetzen Den pſalm ſollē ſprechē die dē die werck d̓ parmhertzigkait mitgetailt werdē lxxv Beati īmaculati in via: qui ambu. p̄s. 118 Dauid macht den pſalm dē kind̓n iſrahel wān ſy gefangen wurdē als es geſchahe zuͦ babilon: das ſy mit diſem pſam vn̄ mit diſem gebet ſolten ſchreyen zuͦ got vmb ir erloͤſung: vnd iſt alles nun ain pſalm vntz bis zuͦ dem pſalm. Ad dn̄m cū tribularer clamaui. Den pſalm ſprich zuͦ ere dem hai ligen gaiſt auch vnſerm herren vnd allen gelaubigen ſelen lxxviii Bonitatem feciſti cum ſeruo tuo domine Den pſalm ſprich den lerkindern lxxx Beati omnes qui timent dominū. p̄s. 127 Der pſalm der neündē ſtaffel. den ſol ſpre chen das weib dz in d̓ kindpet ligt lxxxvj Benedictus dominus deus meuſ. p̄s. 143 Dē pſalm ſprich vmb ſig deīer fraind xciij Benedicite oīa opera dn̄i dn̄o. Danieliſ. 3 Das lobgeſang dreyer kinder. den pſalm ſprich wēn du newen mon ſeheſt cj Benedictus dn̄s deus iſrahel. Luce. j cij Cum inuocarem exaudiuit me deuſ. p̄s. 4 Als ſich abſolon bey dem har erhieng an ainer aich vnd dauid ſein vater vil vmb in klaget machet er diſen pſalm. Den ſprich ſo du den newen mon ſeheſt ij Confitebor tibi dn̄e in toto corde in. p̄s. 9 Als dauid von den prophetē zuͦ künig ge­weicht ward do tet er ſein peicht mit diſē pſalm vn̄ ermanet gott ſeiner gnadē. Den ſprich dz dir got genaͤdigklich vrtaile iiij Conſerua me domine quoniā ſpe. p̄s. 15 Als dauid in dem gaiſt erkāt das criſtus von im ſolt geborē werdē macht er diſen pſalm weiſſagēd in dem gaiſt. Den ſprich ſo du zuͦ gotes tiſch geeſt vij Celi enarrant gloriam dei: ⁊ opera p̄s. 18 Dauid erkānt im gaiſt wān criſtuſ geborē wurd von ſeinē geſchlaͤcht das der hailig gaiſt wurd geſendet ſeinē iungern der ſy lernde entlich reden all zungen vnd kōm in alle welt: machet er diſen pſalm. Den ſprich den zwelfpoten x Confitebimur tibi deus confitebi. p̄s. 74 Aſaph erkāt aus den geſchrifften wān das volck gefangē wurd dz es mit freudē wid̓ bey zorobabel erloͤſet wurd: macht er dē pſalm. Dē ſprich vmb aī ſaͤligs lebē xlvij Cantate domino canticuꝫ nouū. 1. p̄s. 95