ein track. vn̄ bedeüt das alter. wan̄ wie ſich d̓ wurm krümmet vnd in manigerleÿ knoͤpffe ſchlinget. alſo ſtat dem alter manigerleÿ vngemach zuͦ vnd verworren knoͤpff Desgeleichē habent die poeten thÿer erdichtet. ypocenthaurusgenēnet. die halb menſchen vnd halb pferd ſind. zuͦ bedeütēdie kürcze des lebens. das ſchnell vnd eÿlend hÿnlauft alsdie pferd. Ettlich die ſitten der menſchē zuͦbeweiſen. Als inder fabel Oracij redt ein mauß mit der anderen. vnd die wiſel mit dem fuchß. vnd werdent all ſoͤlich fabel erdichte. nitdas ſÿ alſo beſchehen ſind. ſunder zuͦ bedeüten menſchlichesweſen vn̄ leben Alſo ſind die fabeln eſopi auff die ſitten dermenſchen geordnet. Vnd wir finden des geleichen in dē buͦche der richter. do die baume eines küniges begerten vn̄ redeten mit dem oͤlbaum. feÿgenbaum. wein reben. vnd praͤnberſtauden. das beſchicht ÿe alles die ſitten der menſchen zuͦbedeüten. das nÿm̄ durch erdichte ding zuͦ der warheÿt derman begeren iſt kōmen müge. Alſo hat auch Demoſtenesder hoch wol lerendt meyſter zuͦ athenis geton gegen demkünig philippo. do er vō den burgern zuͦ athenis begeet jmczehen der weÿſeſten zuͦ ſenden. ſo woͤlt er von der ſtat zÿehen die von jm belegeret was. Do dichtet er die fabel wieder wolff von dem hyrtē begeret den hundt. ſo woͤlt er fridmit den ſchaffen haben. damit wolt er widerraten das d̓ künig het begeret. als die fabel in dem leſen eſopi auß weÿſet.wann zuͦ geleicher weiß ſprach der meyſter. Wÿe der wolffvon dem hyrten der hundt begerte. darūb das er die ſchaffdarnach on ſorg moͤcht würgen. Alſo begeret d̓ künig philippus jm überweiſen haubtleüt zuͦ ſenden das er eüch hÿnfüre deſter leichter moͤcht niderdrucken vnnd vernichten ſodie huͤtter von eüch kaͤment. Fürbaß ſo merckē den vnderſcheyd vnder fabel. hÿſtori. vnd argument. Hyſtorie ſindware geſchehne ding. Argument ſind die ob ſÿ nit geſchehen ſind. ſo iſt doch müglichen das ſÿ beſchehen. Als die comedi. terenti. vnd ettlich plauti. vnd der ſelben geleich. Fabel ſind die. die nit geſchehen ſind. noch müglichen ſind zuͦbeſchehen. wann ſÿ ſind wider die natur..a. iij.
