Seite
Die vorede in das ander buͦch Eſopi. zuͦ übel. kōment alle das wir jn außreÿten. wan̄ ſo bald das vol gewechßt. ſo wirdt man necz darauß ſtrecken. das wir durch menſchlich künſt vnd liſt gefangen werden. Die vo/ gel verachteten allen jren rat. vn̄ ward von jn verſpot. Do das die ſchwalb mercket. do ſchied ſÿ von den voglen ab dē feld. vnd zohe ſich in die heuſer zuͦ den leüten das jr wonū ge vnder den daͤchern ſicherer waͤr. vnd woͤlichē jrē rat nit folgen wolten allweg in ſorgen ſtuͤnden das ſÿ nicht in den neczen gefangē wurden Diſe fabel ſoͤllent die eÿgenſinni­gen menſchē mercken. die allweg bedūckent jr eÿgen fürne. men ſeÿ daz beſt. vnd audern raͤten nȳmer volgen woͤllent. zuͦ mercken das alle fabel erdachte ſind worden dÿe menſchē zuͦ erkünden in jren guͦten oder argen wer Ucken wann nÿemandt wirt guͦt oder boͤß geheyſſen dann allein der menſch. vnnd darumb wil ich das leben der menſchen vnd jre ſitten begreiffen. vn̄ auf die ſelbigen mey nung ettlich fabeln kürczlichen beſchreÿben auff das weſen der guͦtten oder argen menſchen. Vnd wie der menſch ſicher lebt. der nÿemant hat den er fürcht. wie der burger von athe nis. czuͦ den zeÿten als ſÿ die beſten waren vnnd in ganczer freyheÿt lebten nÿemandt fürchtent. vnd vndereinander jn ſelber dienten in groſſem willen wurden ſÿ durch vnnüczen üppigen rate bewegt das ſÿ einander oͤberkeyt begerten. die der boͤſen menſchen miſſethat ſtillet vnnd darumb ſtraffet. dardurch kament vil der menſchen in groß ſchrecken. Aber ettlich ander die geſtraffet waren wurden leÿdig vmb dÿe ſtraffe jnen beſchehen von den andern. die genuͦg ellendigkli che geleczt waren. Vnd woͤliche durch die neüen geſaczt be ſchwaͤrt waren beſorgten groß ſchadens. nit darumb das jr oͤbrer ſcharpff vnd hert was. ſunder das ſÿ ſoͤlicher hertig keÿt vngewon warent. vnd das ſÿ vnder dem geſacz vnd frembden willen dienſtbar waren. das was jn ein ſchwaͤre pürde. vnd wurden darumb in gar groß vngedult trauren vnd klagen. wider die ſeczt eſopus ein ſoͤlichē fabel.