Seite
Sopus iſt allzeÿt ſeins lebens überflüſſig zuͦ der ler­nung geweſen von dem glücke eÿgner knecht auß der gegent phrigia darjnnen troÿa gelegen iſt. von ammonio dem weyler geborn. Er het für ander menſchen ein langes vngeſtaltes angeſicht. einē groſſen kopff. geſpi­czte augen ſchwarczer farb. lang backen. einen kurczen halß groß waden. breyt fuͤß. ein groß maul. faſt hoferot. zerblaͤtē bauch. vnd das an jm das boͤſeſt was. er het ein übertraͤge zungen darūb er ſer ſtaczget. aber mit liſten geſcheÿdigkeit vnd manigerley ſchimpffkallen was er über die maß bega bet. Als aber ſein herr merckt das er zuͦ burgerlichē werckē vntaugenlichen was. ſendet er jn in das geü das feld zuͦ bau wen. Auf einen tag als der herr in das geü geriten waz ſam let der mair des hofs zeÿtig feÿgē. vnd antwurtet die dem herren vn̄ ſprach. Herr nÿm hyn die erſtē frücht diß jares von deinen aͤckern. der herr was fro vn̄ ſprach. beÿ heÿl daz ſind überſchoͤn feygen. vn̄ ſchuͦff mit ſeinē knecht agatopo daz er die feÿgen naͤm vnnd die behielt biß das er wider auß dem bad kaͤm. Von geſchicht fuͤget es ſich das eſopus von acker kam ſein taͤglichs brot czuͦ holen nach ſeiner gewon­heÿt. Agatopus dē die feÿgen waren beuolhen. als er zwuͦ von den ſelben verſuͦcht het. ſprach er zuͦ ſeinen mitgeſellen. wen̄ ich meinē herrn nit forcht ich woͤlt die feygen all eſſen das nit eine über belyb. Do ſprach ſein geſell. laͤßt du mich mit dir eſſen ſo find ich ein weg das vns kein übel darūb be gegnet. do ſprach agatopus wie tuoͤcht das geſein. antwur tet er. wen̄ der herr von bad kombt ſo ſprich zuͦ jm. O herr eſopus als er von acker kōmen iſt. hat er dÿe feygen all ge eſſen So ſich aber eſopus von traͤge wegen ſeiner zūgen nit kan verſprechen. ſo wirt er geſchlagen. vn̄ werden wir vn ſern luſt mit den feÿgen erfüllen. In der weil als ſÿ der ding eins wurden aſſen ſÿ die feÿgen eine nach der andern. vn̄ ſp rachē vnder jn ſelber O du armer eſope wee deinē ſchultern alſo wurden die feÿgen all von jn geeſſen. Als aber der herr von dē bad kōmen was. begeret er jm die feygen für zuͦſecz en. ſprach agatopus O mein herr. do eſopus heüt vō acker