¶ Das Erſt blat¶ Das erſt buͦchein über groſſe teüre. ſterbent. vnd todſucht. darüber hettenſÿ rat des gotes appolinis. do funden ſÿ das ſÿ die ſel eſopiſoͤlten guͤtigen vnd verſoͤnen. Do wurden ſÿ reüwig daz ſÿeſopum vnſchuldigklich heten getoͤdtet. vnd baweten jmeinen neüen tempel. vnd zuͦ ſeiner ewigen gedaͤchtnuß lieſ/ſen ſÿ jm ein ſaule darein ſeczen. über das. do die fürſten vōkriechenlandt den tode Eſopi erhoͤrten czugent ſÿ in hoͤreskraft über die delphen. vnnd erfuͦren fleÿſſigklichen woͤlicheſchuld hettent an dem tod eſopi dÿe lieſſent ſÿ all als billichwas mit ſoͤlichem tod auch vergeen.¶ Hie hat ein ende das leſen eſopi.¶ Die vorrede Romuli philoſophi in das buͦch Eſopi.Omulus ſeinem ſun von der ſtat athenis heÿl. Eſopus iſt geweſen ein ſinnreÿcher man auß kriechender durch ſein fabeln die menſchē gelert hat. wie ſÿſich in allem thuͦn vnd laſſen halten ſoͤllen. Aber darum̄ daser das leben der menſchen vnnd auch jre ſitten erczeÿgen moͤchte hat er in ſeinen fabeln redent. vogel. baͤum. wilde vndzaͤme thÿer. hÿrß. wolff. fuchs. lewen. ſchaff. geyß. vnd andere geczogen nach gebürlicheÿt einer yeden fabel. daraußman leicht vnd verſtentlich erkennen mag. warūb dÿe ge/e. iiij.
