Der kauffman ſprach hoͤr. ſaume mich nit an dē geen wan̄du magſt keinē nucz an mir erholē. wen̄ ſo ich dich verkauffet ſo hieß man mich ein grempler od̓ ein tockenkauffer. doſprach eſopus. warūb biſt du dan̄ herkūmen. antwurt jmder kaufman Ich bin kūmen das ich gedaͤcht ettwas fruͦtiges zuͦ kauffen. aber du biſt vil vnſauber vnd vngeſtalt vn̄ich bedarff nit ſoͤlicher gattūg Do ſprach eſopus. ob du mich kauffeſt es wirt dir nit ſchaden. do ſprach der kauffmanzuͦ eſopo. warjn̄ moͤchteſt du mir guͦt geſein Eſopus ſprach Ob du in deiner wonung oder kaufhauß nit ſchreÿendeoder muͦtwillige kinder heteſt ſo kauff mich vn̄ mach michjren zuchtmeÿſter. wan̄ on zweyfel ſÿ werdent mich fürchten als einen vaßnacht buczen. Der kauffman ward vō ſeÿnen wortē bewegt. vn̄ keret ſich gaͤn zena vnd ſprach. Wieachteſt du den wuͦſte. zenas antwurt. wilt du nit dreÿſſigpfenning vm̄ jn geben ſo gib mir dreÿ heller. wan̄ ich weißwol das jn nÿemant kauft. der kaufman zalt das gelt vn̄ fuͦre mit eſopo in die ſtat. als er in dz kaufhauß gieng do ſahēzweÿ kleine knaͤblin eſopū dÿe erſchrackē ſer vnd wurdenſchreÿen vnd fliehē in die ſchoß jrer muͤter. vnd verburgējre angeſicht. do ſprach eſopus zuͦ dē kauffman. do ſiheſt dudas mein anſchlag gerecht iſt wan̄ ſo bald mich die kind erſehen habent ſo habent ſÿ mich für ein vaßnacht buczē gehabet. der kaufman ſchmollet vn̄ ſprach zuͦ eſopo. gee hin vn̄gruͤß dein mittgeſellē. eſopus gieng hÿn vn̄ fand ſchoͤn. hübſch vn̄ wol geſtalt knaben. vnd ſprach zuͦ jn. Ir mitknechtſeyt gruͤßt. Als ſÿ jn aber anſahent ſprachent ſÿ in jn ſelbs.Beÿ der ſunnē das iſt ein vnſaubere geſtalt was wil vnſerherr damit anfahen. nū hat er doch biß auff diſe zeyt nÿe ſoein vngeſtalten coͤrpel gekaufft. darnach gieng d̓ kauffmanzuͦ den knaben vn̄ ſprach zuͦ jn. Ir ſoͤlent traurē vm̄ eüer vngefelle. wan̄ ich kan weder maul. eſel. noch pferd finden zuͦkauffen oder zuͦ lehnē darūb muͤſſent jr vnd̓ eüch ſelber teÿlen was zuͦ tragē iſt vō ſpeiß vnd anderē. wan̄ wir woͤllenauf morgen in die ſtat epheſū geen Do aber die knaben diepürde teyltē vnd̓ jn ſelbs daz zwen ein bellin tragē ſoͤltē. ſp
