¶ Das Ander buͦch den in frembde geſelſchaft. ſo waͤreſt auch von den pfawen mit kraczen vnd beÿſſen biß auff den todt nit ſo übel gehandelt vnnd verwundt worden. darumb waͤr das beſt ÿedem in ſeinem weſen genuͤgig zuͦ ſein. ¶ Die xvj. fabel Von der fliegen vnd dem maul. Eÿt vnd ſtat machet offt ein zaghafften vnd kran ſcken freydig ſein gegen dem groͤſſern vnd ſterckern Vnd beſchicht das die verczegeſten die nÿemandt ſchaden mügent allermeÿſt droen. den ſchreÿbt eſopus ein ſoͤliche fabel ¶ Ein fliege ſaß auff einem maul beÿ dem leÿt ſeyl. ſÿ ſtraffet das maul zornigklich vnd ſprach. Wie biſt du traͤg gee bald oder ich ſtupf dir dein ſtirnē das du belder geeſt. Do ſprach daz maul ich fürcht deine wort nit. ſunder des der auff dem ſatel ſiczet der mein maul mit dem zaum re giert. vnd mit dem biß wendet nach ſeinē willen. vnd mich mit der kellen der geÿſel treibt. der ſelb iſt mir zuͦ fürchtē nit du. wenn du biſt vnachtber. vnd doch vngeſtuͤm mit der nen worten. vnd vermagſt doch keinem ſtarcken nichtz czuͦ thuͦn. darumb laß dein droen wenn es iſt on ſorg ¶ Die xvij. fabel Von der fliegen vnd ameÿß.
zum Hauptmenü