¶ Das Ander buͦch der ſelben dienſt nit danckē. Wo du aber ſoͤlichē dienſt von meinē wegē mir bewiſſen heteſt. ſo waͤr billich dz ich dir ge naͤdig waͤre. vnd dir darn̄b lonet. aber alſo muͦſt dn̄ ſterbē ¶ Die xx. fabel Von dem froſch vnd dem ochßen O ſich dÿe armen in übermuͦt alſo erhebent das ſÿe meynent den maͤchtigen geleich ſein. dÿe verfallent al vnd zerbrechent von jrem hochmuͦt. Als diſe fabel außweÿſet. ¶ Ein froſch ſahe einen ochßen geen auff eyner weÿde. vn̄ gedacht in jm ſelber wo du dein krunczelte haut auff blaͤteſt du moͤchteſt auch wol ſo groß werdē als diſer ochß. Er fieng an zuͦ blaͤen ſo krefftigklich er mocht. vnnd fraget ſeine jungen vnd ſprach zuͦ jn. Wie beduncket eüch. bÿn ich ſo groß als der ochß Sÿ antwurten neÿn. er blaͤet ſich aber noch baß vnd ſprach zuͦ jnen. Wie nun. ſÿ antwur teten. nichtz des geleichen. er ward ſich zuͦ dem dritten mal blaͤen. do zerbrach er vnnd ſtarb alſo. Auß dem iſt das ge mein ſprichwort entſprungen. Dn ſolt dich nicht ſer blaͤen das du nit zerbrecheſt. das iſt. Du ſolt nit zuͦhoffertig vnd übermuͤtig ſein. oder du wirſt vernichtet. ¶ Hienach volget das dritt buͦch
zum Hauptmenü