Seite
Das xiiij. blat iſt erſchrickt ab deinen dienſten Vnnd ſo bald der wolff hin weg kam ward ſÿ ledig jrer geburd. Wo ſÿ aber den wor/ ten des boͤſen wolffs gelaubt het. ſo waͤr ſÿ mit jren jungen vnſeglichen vergangen. Die fünfft fabel Von dem geberenden berg. Fft beſchicht das groſſer ſorg wirt guͦtter rat. vnd groſſe angſt wirt in ſchimpff verwandelt. Als di­ſe fabel beczeüget Ein berg was ſchwanger. vnd czuͦ den zeyten als er geberen ſolt ſchrÿe er über ſere. vnd ließ klaͤglichen ſeüffczer. vnnd heület erſchrockenlich ſo vil das die gancz gegent den ſchal erhoͤret vnd dauon betruͤbt war de. waz mengklich erſchrocken. vnd in dem gemuͤt verjrret von dem groſſen ſchal. Nach dem über groſſen ſeüfczen vnd klagen gebar der berge ein mauß. Die geburd was außge/ breÿtet in dem landt. vnd dÿe vor erſchrocken warent em pfiengen widerumb jr krafft. vnnd warde nichtz auß dem darauff ſÿ groſſe ſorg hetten. vnnd ward dÿe forcht in ſch/ impff verkeret. Die ſechßt fabel Vō dem wolff oder hundt vnd lamb. g. iij.